Hello Kitty迷既你要入嚟睇睇啦喂!

小編相信Hello Kitty都陪伴過唔少女仔成長😬 !咁你地又知唔知今年係Hello Kitty既咩大日子呢?無錯!今年係Hello Kitty既45週年生日。而澳門百老匯就隆重其事,為Hello Kitty搞個生日會,等小編帶大家睇下啦!!!

《Hello Kitty Hello Again》呢個展覽有十大主題,今次主題造型為Hello Kitty戴上別具紀念價值的花花紅眼鏡萌爆登場,設計靈感係源自日本45週年既主題展覽造型,大會門票亦特別以用呢個眼鏡造型設計,寓意係希望Hello Kitty同各位粉絲入場透過可愛眼鏡親眼探索夢幻又美好的世界!主題包括:Miss White世界Kitty最愛紅蘋果主題Hello Kitty小鎮夢幻花海裙等,而我相信夢幻花海裙入面既Kitty模型係最具注目,三米高既Kitty會著上由星級設計師Pius Cheung特別設計既蛋糕主題紗裙,體驗Kitty百變、潮流既一面!當然唔少得係一系列既Hello Kitty精品啦!🤓當中包括有散紙包、三款電話殼、小布袋等等,款款展品都各有特色!作為Kitty迷既你一定搵到心頭好!約定你  7月18-9月1日嚟同Kitty慶祝生日啦!

小編同大家介紹三個重點主題:

Hello Kitty蘋果世界

相信係粉絲嘅你都知道Hello Kitty身高等於五個蘋果同埋體重等於三個蘋果,快啲過嚟同Hello Kitty比併下睇下邊個高啲、邊個有更多既蘋果!只需走到互動屏幕前,即可隨機計算出個人身高與體重相約的蘋果數量!

Miss White世界

呢個展區佈滿Kitty喺1974年首次出現時手持既牛奶樽,牆上仲有多個超巨型牛奶樽裝飾。試下向牆上的蝴蝶結揮手,就可以打開Kitty為大家準備既驚喜心意啦!

糖果世界

鍾意粉紅色嘅女仔一定好鍾意呢個展區!入面有七彩甜甜圈鞦韆曲奇餅旋轉木馬雪糕威化餅搖搖板等!彷如置身一個糖果世界!

 

票詳情:

  • 現場購票可接受現金、銀聯卡、Visa卡、MasterCard卡及中銀智慧付卡機(包括:中銀手機銀行、支付寶、微信、銀聯、云閃付的二維碼支付)
  • 身高90cm以上之小童須憑票入場

日期:2019年7月18日 – 2019年9月1日
開放時間:星期一至五12nn – 8pm|星期六、日11am – 8pm
地點:澳門百老匯2樓

展覽詳情可按此

 

交通指南:

乘客可以到上環港澳碼頭乘搭渡輪 (船程大約1小時) 到澳門,乘搭「澳門百老匯™」巴士專線(10 - 20 分鐘一班)就可以到㗎啦!

如果搭船暈船浪嘅話都唔緊要!跨境巴士一樣可以帶你去搵Kitty 㗎!

乘客都可以乘跨境巴士到澳門威尼斯人/美獅美高梅(車程大約2小時),乘搭路氹服務專線10 - 15 分鐘一班)一樣可以帶你去搵Kitty

往來港澳跨境巴士車票可在下方的 GoByBus.hk 連結購買

 

推薦你觀看這些相關文章...

READ  近期中旅巴士服務調整