要用電子錢包👛👛👛當然要先下載應用程式（APP）「微信」同「支付寶」啦！因為係內地使用，所以download就咁叫「支付寶」果個APP就得啦，「支付寶HK」或者「AlipayHK」係香港用架！🤓🤓🤓
之後就要用手提電話☎☎☎註冊個account。由於朋友係輸入你電話號碼俾錢你，所以如果你有幾個number就要諗清楚用邊個註冊啦。同埋如果用大陸號碼註冊微信，之後想用微信支付既香港錢包係唔得既，一個要另外用香港號碼登記（用香港號碼就內地同香港錢包都可以開通）。📲📲📲
既然要收錢俾錢，💳💳💳就要綁定埋內地銀行卡（Debit Card / ATM Card，即係我地叫既提款卡）。信用卡得唔得？係得既，但暫時只支持部分線上消費場景，無辦法轉賬俾人同係鋪頭俾錢。💸💸💸
最後就要做埋個實名認證🆔🆔🆔。支付寶就唔做都得，只係支付同收錢既限額會細好多；微信就一定要。只要輸入返回鄉證既資料，用手機影張相上載，大概等兩三日左右就搞掂。📷📷📷
🔑🔑🔑如果你手機本身無密碼，最好就係安全設定到開返個錢包鎖/支付密碼，以後俾錢或打開錢包前都要認證，咁人地執到你手機都唔洗驚洗晒你d錢啦！😛😛😛