小編相信大家一諗起澳門🇲🇴，第一時間就會諗到賭場🏦。但其實澳門🇲🇴都有好多標誌性嘅建築物，又唔係剩係賭錢咁單調嘅😅，今日小編就會同大家介紹下大三巴😎。
首先同大家不厭其煩咁介紹下背景先🙆♂～
三巴係聖保祿（São Paulo）既譯音，又因為遺跡貌若中國的牌坊，所以就俾人叫做大三巴牌坊啦。
而聖保祿教堂⛪正面前壁的遺跡，距離至今已有350多年歷史，大三巴係澳門🇲🇴標誌性建築，2005年被列入為世界文化遺產。
而遊覽時除左欣賞前壁之外，仲要留意牌坊上精緻的浮凋及其含義，每個景點都有一塊展示板介紹大三巴裏面既建築歷史，希望大家遊覽嘅時候都可以藉此認識澳門🇲🇴嘅歷史同埋欣賞大三巴裏面嘅文藝展品，打造一個「藝文青」嘅你😎！
大三巴牌坊外觀雄偉，雕琢細緻，上下共五層，融合咗歐洲文藝復興時期同埋東方既建築風格，因此使得呢座中西合璧的石壁喺全世界的天主教教堂💒具有佢獨樹一幟既建築風格。
而爬上68級階梯後，更可以近距離的接觸「大三巴牌坊」，就會發覺他的壯觀。
同時亦唔好唔記得去牌坊後面參觀下，呢度係以前教堂既內部，下面曾被用作埋葬教士的墓地。1996年，政府就喺呢個遺址進行考古、修復工程，之後就建成而家大家所見到既天主教藝術博物館🕋，而博物館🕋同時收藏咗東方最古老既以宗教生活為題材的油畫作品🎨，所以都非常值得去參觀㗎🙆♂🙆♀！
想知道更多大三巴嘅資料，㩒入嚟呢度可以幫到你！
地址：
澳門特別行政區花王堂區砲台山下
開放時間：
全日
門票收費：
免費
交通方式：
乘客可以到上環港澳碼頭乘搭渡輪 (船程大約1小時) 到澳門，乘搭免費穿梭巴士就可以到大三巴㗎啦！
如果搭船暈船浪嘅話都唔緊要！跨境巴士一樣可以帶你去大三巴㗎！
乘客都可以乘跨境巴士到新葡京下車（車程大約2小時），沿新馬路經過議事亭前地(噴水池)，一直向板樟堂方向一樣可以帶你去大三巴！
往來港澳跨境巴士車票可在下方的 GoByBus.hk 連結購買
